لە رووژ ئاشتی جەهانی.. ماراسۆنیگ تایبەت وە دویەتەیل کوردستان لەناوڕاس هەولێر.. وینە
شەفەق نیوز/ لە شار هەولێر پایتەخت هەرێم کوردستان، ئمڕوو چوارشەممە، پێشبڕکێی ماراسۆنی تایبەت وە دویەتەیل کرد، وەبوونەی رووژ ئاشتی جەهانی، و دوو دویەت سەرکەفتگ لە یەکەم و دویەم پێشبڕکێی لە شوینیەک، وتن: جیاوازی ماراسۆنەگە نشان گرنگیدان دەسەڵاتەیل وە وەرزش تاکانە نشان دەێد، و ئەرا دویەتەیل لە گشت پارێزگایەیل هەرێم کوردستان تایبەت کریا.
پەیامنێر ئاژانس شەفەق نيوز وت: ٥٠ دویەت لە جویراجویر پارێزگایل هەرێم کوردستان لەو مارەسۆنە بەشداری کردن ک لە پارک سامی عەبدولحەمید ناوڕاس شار هەولێر وە بوونەی رووژ ئاشتی جەهانی سازیا.
ئامال عەبدولڵا ک پلەی یەکەم لە پێشبڕکێیەگە وەدەس هاورد، ئەرا ئاژانس شەفەق نیوز وت: سازداین ئی پێشبڕکێیە هەڵمەت گرنگیگە وەلایەن دەسەڵاتەیل پارێزگای هەولێر ئەرا پشتگیریکردن جویراجویر چینەیل وەرزشی، تایبەت لە تاکانە، ک گرنگی فرەیگ لە عراق وە گشتی ئەرای نییە.
لەلای خوەییش، بیری بەرەکات ک لە قەزای عەقرە لە پارێزگای دهۆک هاتیە، ک پلەی دویەم کەفتە بەشی ئەرا ئاژانس شەفەق نیوز وت: کارە گرنگەگە لەی پێشبڕکێیە ئەوەسە ک بەشداربویەیل لە جویراجویر پارێزگایل هەرێم کوردستان هاناوی، وەگەرد ئەوەیش ک ئەرا دویەتەیل تایبەت کریایە.
لەلای خوەییش، نەبەز عەبدولحەمید قایمقام هەولێر ئەرا ئاژانس شەفەق نیوز وت: سازدان ئیجویر چالاکییگ نشانەی ئەوە دەێد ک پارێزگای هەولێر پارێزگای برایەتیە ناوبەین گشت پیکاتەیل گەل کوردستان، و بەڵگەس ک حکومەت هەرێم کوردستان گرنگی گەورەیگ دەێدە وەرزشی تایبەت وەرزشی ژن.
