لە روژەیل ئاگرین...چەم سیروان دووارە زینگەو بوود لە دویای مەرەقەزکردن بڕ فرەیگ لە ئاو لەلایەن ئیران
![لە روژەیل ئاگرین...چەم سیروان دووارە زینگەو بوود لە دویای مەرەقەزکردن بڕ فرەیگ لە ئاو لەلایەن ئیران](https://media.shafaq.com/media/arcella/1691150559126.jpg)
وەڕیەوبەر فەرمانگەگە، موئەیەد ئەحمەد وە ئاژانس شەفەق نیوز وت، " وەرەلاکردن ئیران ئەرا چەم سیروان لەماوەی مانگ تەمووز و ئاب، بەرزەوبویە لە کەمترین 40م3/چرکە ئەرا نزیکەی 60م3/چرکە، ئەویش وە مدوو زیای مەرەقەزکردن بڕ ئاوەگەس وەلایەن ئیرانەو ئەرا چەم سیروان، جووە ئاویەیلتر ئەرا وێستگەیل وەرهەمهاوردن کارۆئاوین و دابینکردن خوازینەیل کشاوەرزی".
ئاشکەرایکرد، " ئاست وەرەلاکردن چەم سیروان خاسە و پێداویستیە سەرەکیەگان دابینکەێد لەناوچەی گەرمیان، تا رەسێدە ناوچەی حەمرین لە دەوروگەرد پارێزگای دیالە، لەورا رێژەی ئاو چەم سیروان داوەزێد لە سنوور دیالە، لەوەر کەمی وەرەڵاکردن دەریاچەی حەمرین، بوودە هووکار پیسبوین و نمەک لەناو چەمەگە لەناوچەی دیالە".
دیاریکرد" چەم سیروان وەشیوەی سەرەکی لەماوەی ساڵەگە پشت وە هووشاو بەنداو دەربەنیخان بەسێد، ک لە ئیسە رەسێدە 50م3/چرکە، رێژەگە ئاڵشت بوود وەپای بارودۆخ ئاوەگە لە وەرزەیل ساڵەگە.