پلەی گەرمی لە هەرێم داوەزێد و لە چەن ناوچەیگی واران وارێد

شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو پەنجشەممە، مەزەنەیل کەشوهەوا راگەیان و مەزەنەی داوەزیان پلەی گەرمی و واران وارین لە چەن ناوچەیگ هەرێم کوردستان کەێد.

کەشناسی لە بەیاننامەیگ رەسیە ئاژانس شەفەق نیوز راگەیان، " ئمڕوو ئاسمان لەناوەین نیمەئەور و ئەور تەواوە، لەناوچە کویەیلەی سنوور باکوور و باکوور خوەرهەڵات هەرێم نمە واران وارێد، لەوەختەیل دویای نیمەڕوو کاریگەری وارین لە ناوچە کویەیلەی پارێزگای دهۆک و هەولێر و سنوور ئیدارەی سەروەخوەی سۆران و ئیدارەی سەروەخوەی راپەرین وەشیوەی تاوە واران و گرمەهڕ بوود و لەوەخت ئیوارە کاریگەریەگەی کەمەوبوود، لە ناوچەیل باشوور هەرێم هاتێتەپوتوز بوود، و پلەی گەرمی  2 تا 4 پلە داوزین وە خوەیدوینێد".

کەشناسی دیاریکرد "سوو جومعە لەناوچە کویەیلە ئەور تەواویگە هاتێ کەمیگ نمە واران لە ناوچەی باڵەکایەتی بوارێد و پلەی گەرمی 2 تا 4 پلە داوەزیان وە خوەی دوینێد .

بەرزترین پلەی گەرمی مەزەنەکریاگ وە پلەی سیلیزی:

هەولێر     : 28  پلەى سیلیزى

سلێمانی  : 27 پلەى سیلیزى

دهۆک     : 25 پلەى سیلیزى

کەرکوک  : 30 پلەى سیلیزى

هەڵەبجە : 30 پلەى سیلیزى

زاخۆ      : 24  پلەى سیلیزى

حاجی ئۆمەران : 18  پلەى سیلیزى

سۆران    :  27  پلەى سیلیزى

گەرمیان  :   32  پلەى سیلیزى.