لەدویای سەنین 150 ئامێر... کوردستان دەسکەێدە نەشتەرگەریکردن دانان ئامێر ژنەفتن وەپەتی
2023-04-10T12:21:10+00:00
شەفەق نیوز/ حکومەت هەرێم کوردستان، ئمڕوو دووشەممە، راگەیان لە هەفتەی ئایندە دەسکەێدە نەشتەرگەری دانان لویلپیچ گوش وە پەتی ، لەدویای ئەوەگ خەسخانەل هەرێم پێداویستیەیل تایبەت وە ئەو بیماریە دابین کەن.
وەزیر تەندروسی سامان بەرزنجی لە کۆنگرەیگ رووژنامەوانی ک پەیامنێر ئاژانس شەفەق نیوز ئامادەبوی راگەیان، " ئەنجومەن وەزیرەیل حکومەت هەرێم کوردستان وە سەرۆکایەتی مەسرور بارزانی بڕە پویلیگ نزیکەی دوو ملیار و 250 ملیۆن دینار تەرخانکردیە ئەرا ئامێر ژنەفتن " لویلپیچ گوش" سەنین ک نرخ هەر یەکەیان 15 ملیۆن دینارە.
وتیش" نەشتەرگەریەگە وە پەتی ئەنجامدریەد وەبی وەرانوەر لە خەسخانەیل هەرێم و لە ئی هەفتە دەسوەپی کریەێد".
