لە دویای دوو ساڵ لە وسیان...بەرهەم برنج لە گەرمیان دەسکەێدە زنیەوبوین و وە جویرەیل خاسی
وەڕێوبەر کشاوەرزی شادیە حەسەن وە ئاژانس شەفەق نیوز وت "هەڵمەت دروینەکردن برنج نزیکە لە کۆتایی هاتن لەدویای کاڵین 1615 دۆنم، کە مەزەنەکرێد 1500 تەن رەدبکەێد"، دیاریکرد " ئەو ناوچەیلە فرەیگ لە بەرهەمەگە لەناوی چڕەوبویە ناوچەیل مەیدان و کوکز و قورەتوە".
ئاشکەرایکرد "دیارترین جویرەیل وەرهەمهاوریای (بەرازیلی و نەکازا و جویرەیلترن) لەناو پیشوازییگ بازاریکردن بەرهەمەگە ئەرا پارێزگایەیل ناوڕاس و باشوور و بەرهەمەگە وە شیوی خاسیگ لە پارێزگایەیل کوردستان هاوەردەس".
وتیش "کاڵین بڕنج لەی وەرزە دەسوەپی کردیە لە دویای وسانن و قەیەغەی کاڵینی لە ماوەی دوو وەرز وەرین وە مدوو کەم ئاوی و هشکی و کەمی واران وارین وەپای نەخشەی فراوانکردن کاڵین تایوەت وە بارودۆخ ئاو".
دیاریکرد کەم ئاوی و هشکەساڵی لە گەرمیان هووکار بوی ئەرا وسانن و وە یاساکردن کشاوەرزی ئەرا ماوەی سێ ساڵ گوزەشتە، ئیرنگە واران ژێرخان ئاوی زینگەوکردیە لەناوچەیل گەرمیان لە ماوەی وەرز واران.
