لەبان تەقە و بمبارانەیل.. خەڵک ئاوایە سنووریەیلەی هەرێم کوردستان ئاهەنگ جەژن کەن
شەفەق نیوز/ خەڵک ئاوایە سنووریەیلەی کنار تورکیا ئاهەنگ وە جەژن قوربان کردن، لەبان ئەو رەوشەیل ئاسایش ئەو ناوچەیلە لەوەر بمباران تورک و تەقەکردن وەگەرد پەکەکە.
ئەیاد ئەحمەد لە ئاوای هەرور باس رسووم و رەفتارەیل جەژن قوربان ئەرا ئاژانس شەفەق نیوز کرد.
وت: خەڵک ئاوایەگویلی نماز جەژن لە ی کەم رووژەیل جەژن پیرووزبایی لەیەک کەن و سەردان یەکتر کەن هەرچەن بمباران لە دەورگرد ئاوای هەرور وەردەوامە.
ئەحمەد وتیش؛ جموجوولەگەی ئی جەژنە وەگورەی ساڵەیل گوزەیشتە کەمە لەوەر رەوش ئەمنی و رخ لە بڵاوبوین ڤایرۆس کۆڕۆنا.
سەلیم موستەفا کشاورزە لە ئاوایبگ سنووری ئویشێد؛ رەوشەگە ئارام نییە و خەڵکەگە لەی جەژنە وە ئازادی جوولە نێکەن لەوەر رخیان لە بمباران و تەقەگە.
و ئەرا ئاژانس شەفەق نیوز وتیش؛ جەژن لە ئاوایە سنووریەیلە هەمیشە جیوازە وەلێ ئی جەژنە لە ئاوایە سنووریەیلە لە رخ بمبارانەگە کپی وەخوەی دی، و تەنیا مناڵەیل دەڵخوەشی وەی جەژنە کەن چوینکە ئاگا لە رەوشە ئەمنیەگە نەیرن، و سەردان جەژن ئەرا ماڵەیل جوی جارانی نەمەن.
موستەفا داوا لە پەکەکە کرد لە ئاوایەیل ناوچەگە دەرچن و ململانەی سەربازی لەناوی ناوچەی ئارامە دویرەو بخەن.
