لە بەیاننامەیگ فەرمی.. پێشمەرگە خاوەن پەلامارەگەی کوێەی مەتین دیاری کەێد
شەفەق نیوز/ وەزارت پێشمەرگە لە هەرێم کوردستان، ئمڕوو شەممە، دووپات کرد ک پەکەکە وە کوڵەگردنیگ لە کوێەی مەتین لە پارێزگای دهۆک، پەلامار پێشمەرگە دا، و قوربانی و زەخمدار لەلیان خست.
وەزارەتەگە لەبەیانامەیگ رەسیە ئاژانس شەفەق نیوز وت: هێزەیل پێشمەرگە لە مەوقەی ئەرک سەربازی خوەی لە کوێەی مەتین سەروە قەزای عمادیە، شەفەق ئمڕوو، وەخاتر مقەیەتیکردن خەڵک ئاوایەیل ئەو ناوچە، و چەسپانن ئاسایش لەناویان، کەفتە وەر کوڵەگردنیگ لەلایەن هێزەیل پەکەکە، ک بویە هووکار شەهیدبوین پەنج ئەندام لە پێشمەرگە و زەخمداربوین دووان تر.
بەیاننامەگە وتیش؛ ئەرا چەن جاریگ هووشداری لەیجوور رووداوەیلیگ کردیمن، و بابەتە گشتی پابەند وە رێزگردن سنوور هەرێم بوود، و ئارامی هەرێم کوردستان نەخەنە وەر مەترسی.
ژمارەیگ لە ئەندامەیل پێشمەرگە، ئمڕوو شەممە، وە پەلاماریگ مووشەکی لەلایەن پەکەکە لە قەزای عمادیە کەفتن.
