لە کابینەی گەشتیاری دوکان چوار گەشتیار دەسگیر کریان

شەفەق نیوز/ پۆلیس سلێمانی دەسگیرکردن چوار کەس راگەیان ک وەرەگەز عەرەبن و لەکابینە گەشتیارییەیل سەیرانگای دوکان ماددەی هوشبەر وەکارهاوردنە. 

ئمڕوو پەنجشەممە، وەڕێەوبەرایەتی پۆلیس سلێمانی بڵاوکردیە، دۊای‌ ئەوەگ گومان لەچوار گەشتیار وەناسنامە عەرەب كریا لەیەكیگ لەپڕۆژە گەشتیارییەیل قەزای دوكان ک وەکارهاوەر ماددەی‌ هوشبەرن، دۊای وەرگردن بڕیاری دادوەر، دەستوەجی مەفرەزەیل بەش پۆلیس دوكان رەسیە شۊن مەنن گەشتیارەیل ‌و تۊنست دەسبنەێد وەبان بڕیگ ماددەی هوشبەر و سەرجەم تۆمەتبارەیل دەسگیربكریەن. 

ئاشکەرایکرد، تۆمەتبارەیل وەناوەیل (ح. ا. خ لە داڵگبۊ 2000) ، (ی. ش. ع لە داڵگبۊ 1998 ) ، (ا. ح. م  لە داڵگبۊ 1990) و (ا. ع. غ لە داڵگبۊ 1999 ) دانشتگ شار بەغدان و وەخاتر گەشتكردن هاتنە قەزای دوكان.

ئاشکەرا کرد، دۊای کلکردن تۆمەتبارەیلە ئەرا وشکین دەرچگە وەکارهاوەر ماددەی هوشبەرن، لە ئیسە گیریانە و لێکۆڵینەوە وەگەردیان وەردەوامە.