كوشيان ژنيگ لە مرافەی چەکداریگ لەبان پارچە زەوییگ لە دهۆک
2021-04-25T09:24:00+00:00
شەفەق نیوز/ وەڕێۆبەرایەتی پۆلیس دهۆک، ئمڕوو یەکشەممە، خەوەردا لە کوشیان ژنيگ سی ساڵان لە مرافەیگ لەبان پارچە زەوییگ لە قەزای شێخان.
وەڕێۆبەرایەتیەگە بەیاننامەیگ ئمڕوو وت: مرافەی چەکداریگ کەفتە ناونی بڕیگ لە کشاورزەیل لەبان پارچە زەوییگ لە کۆمەڵگەی «چرە» و بویە هووکار کوشتن ژنیگ وەسەردان ئەرا ماڵ باوانی هاتوێد.
بەیاننامەگە وتیش؛ هێزەیل پۆلیس روی وەرەو شوین رووداوەگە کردن، و بڕيگ توومەتبار گردن، و مرافەگە کپەو کردن.
