كوردستان وشدارى دا ئه‌وانه‌گ له‌ ڕى روسياوه‌ ئه‌چن وه‌ره‌و ئۆرپا

له‌ى باوه‌ته‌و، نوێنه‌رايه‌تى حكومه‌ت هه‌رێم له‌ روسيا له‌ به‌ياننامه‌يگ ئه‌را(شه‌فه‌ق نيوز)وت: خوازياريم ئاشكراى ئه‌وه‌ بكه‌يم ئه‌را ئه‌و كه‌سه‌يله‌ ك ئه‌خوازن له‌ڕى روسياوه‌ بان وه‌ره‌و ئۆرپا خوه‌يان نه‌خه‌نه‌ مه‌ترسى ده‌سگيركردن يا قوناغه‌يل مه‌ترسيدارتر ك شايه‌ت بڕه‌سنێده‌يانه‌ مردن.

به‌ياننامه‌گه‌ هه‌ميش وت: هويچ رييگ ئه‌را گوزه‌ركردن له‌ روسياوه‌ ئه‌را وڵاته‌يل ئۆرپى نيه‌ وه‌ شيوه‌يليگ ناياسايى، ئه‌ويش له‌وه‌ر ئه‌وه‌گ مه‌رزه‌يل رووسى وه‌ پاسه‌وان فريه‌يگ ئابڵوقه‌ دريانه‌و ده‌ربازبزين له‌ليه‌و زه‌حمه‌ت و سته‌مه‌.