كوردستان دو ئافره‌ت قورتاربوێ ئێزيدى له كه‌مپ خيزانه‌يل داعش له سوريا هاورده‌وه
2020-05-10T20:49:28+00:00
شه‌فه‌ق نيوز/ نويسينگه‌ى كاروبار رفياگه‌يل له دهۆك، ئاشكراى هاوردنه‌وه‌ى دو ئافره‌ت قورتاربوێ كرد دوياى ئازادكردنيان له سوريا و ره‌سينيان ئه‌را هه‌رێم كوردستان، باس له‌وه‌يش كرد په‌تاى كۆرۆنا مه‌سه‌له‌ى راده‌سكردنيان وه كه‌س وكاريان په‌كخستگه ئه‌را ماوه‌ى مانگيگه.
له‌ى باوه‌ته‌و، حسێن كۆرۆ وه‌رپرس نويسيگه‌ى ناوبرياى له دهۆك له باسيگ ئه‌را شه‌فه‌ق نيوز وت: ئه‌و هه‌ردوگ ئافره‌ت قورتاربويه دوياى ئائازادكردنيان ئه‌را ماوه‌ى مانگيگه ره‌سينه‌سه هه‌رێم كوردستان.
باس له‌وه‌يش كرد ئه‌و هه‌ردوگ قورتاربويه له كه‌مپ خيزانه‌يل ريكخرياگ تيرۆريستى داعش له ديم سورياوه بوينه‌و قورتاربوێ يه‌كه‌م وه‌ناو له‌يلا حه‌سه‌ن موراد(17 ساڵان)و قورتاربوێ دويه‌ميش رونيا فه‌يسه‌ڵ مسكين (17 ساڵان) له ئاوايى سولاغ له خوه‌رهه‌ڵات قه‌زاى شه‌نگاڵ بويه.
