کوردستان مزگانی زیایەی ئاو دەێد لە بەنداوەیل دوکان و دەربەندیخان

خانی ئەرا ئاژانس شەفەق نیوز وت: وەگورەی پارەکە، ئمساڵ ئاو بەنداوەیل وەشیوەی وەرچەویگ لە بەنداوەیل دوکان و دەربەندیخان زیای کردگە.

وتیش: وەگورەی پلانەگە، توەنیمن بڕ ئاویگ وەگورەی خوازین ئەرا هاوڵاتەیل ئمساڵ دابین بکەیمن، و دیاری کرد کە زیایبوین ئاست ئاو لە بەنداو دوکان و دەربەندیخان وەخاسی لەبان دابینکردن ئاو ئەرا پارێزگای دیالە و کەرکوکیش چوودەو، وەگەرد رێکخستن و زیایی کەمیگ لە کارەبا.

لە مدووەیل زیایبوین ئاوەگە، خانی دووپات کرد کە زیایبوین واران ئمساڵ وەشەو ساڵ گوزەشتە هیشت ئەمارکردن ئاو بەنداوەیل لە کوردستان زیای بوود.

لەلای خوەییش، کۆچەر جەماڵ وەڕیەوبەر بەنداو دوکان ئەرا ئاژانس شەفەق نیوز وت: بڕ زیایەی ئمساڵ رەسێدە نزیکەی 5 مەتر لەخود ئی مەوقە وەچەو پارەکە، دیاری کرد کە ئەمارکردن بەنداوەگە رەسێدە نزیکەی 57٪.

وتیش: مەزەنە کەیمن ئمساڵ هویچ گیچەڵیگ لە ئاو نەوود.

سامان ئیسماعیل وەڕیەوبەر بەنداو دەربەندیخان لە قسەیلی ئەرا ئاژانس شەفەق نیوز وت: لە ئەنجام ئەو وارانەیل رفتە کە لەبان هەرێم کوردستان ئمساڵ واریە، 620 ملیۆن مەتر سێجا لە ئاو وەرگردیمنە.

وتیش: ریژەی 70 تا 90 مەلیۆن مەتر سێجا رووژانە وەرەو ناوچەیل باشوور لە عراق مەرەقەز کریەێد، و بڕ ئەو ئاوە کە ئەرا ئەو بەشەیل عراق مەرەقەز کریەێد توەنێد ئەرا بەرهەم کردن کارەبا وەکار باێد.