كوردستان ئاماژه وه گفتگووه‌يل خاسيگ كرد و شانده‌گه‌يشێ ئه‌چێده‌وه به‌غدا
2019-11-24T19:28:05+00:00
شه‌فه‌ق نيوز/ حكومه‌ت هه‌رێم كوردستان، ئاشكراى كلكردنه‌وه‌ى شاند كورد ئه‌را به‌غدا كرد، ئه‌ويش دوياى رووژيگ له سه‌ردانه هاوشيوه‌گه‌ێ ئه‌را پايته‌خت عراق.
له‌ى باوه‌ته‌و، جوتيار عادل قسه‌كه‌ر وه‌ناو حكومه‌ت هه‌رێم له كۆنگره‌يگ رووژنامه‌گه‌رى دوياى دانيشتن سه‌رۆكايه‌تى حكومه‌ت هه‌رێم وه‌ل ئه‌و شانده ك دويه‌كه شه‌ممه سه‌ردان به‌غدا كرد، وت: گفتگوو ناونى هه‌ولێر و به‌غدا وه‌رده‌وامه‌و قۆناغيگ گرنگ و خاس بڕيه‌و گام وه‌ره‌و خاس نه‌ێد.
عادل هه‌ميش وت: شانده‌گه جه‌خت له‌وه كردگه ك هه‌ردوگلا ره‌سينه‌سه له‌يه‌كڕه‌سينه‌وه‌ى خاسيگ و سوو دوشه‌ممه‌يش جاريگتر شانده‌گه ئه‌چێده‌وه به‌غدا وه‌ئامانج گفتگوو زياتر له‌باره‌ى مه‌سه‌له‌ى مووچه‌و به‌ش هه‌رێم له بودجه‌و نه‌فت و چه‌ن مه‌سه‌له‌يگ تر.
