كوردستان ئامار تازه‌ى هاتن په‌نابه‌ره‌يل سوورى ئه‌را هه‌رێم ده‌رخست

كوردستان ئامار تازه‌ى هاتن په‌نابه‌ره‌يل سوورى ئه‌را هه‌رێم ده‌رخست
2019-10-19T19:34:37+00:00

شه‌فه‌ق نيوز/ وه‌ڕيه‌وبه‌ر ئامار و زانياريه‌يل له‌ ده‌زگاى هه‌ماهه‌نگى و قه‌يرانه‌يل له‌ هه‌رێم كوردستان، دويايين ئامار هاتن په‌نابه‌ره‌يل له‌ رۆژئاواى كوردستانه‌و له‌ 9 ته‌شرين يه‌كه‌م ئى مانگه‌و ك ره‌سينه‌سه‌ ناو خاكه‌يل هه‌رێم ئاشكرا كرد.

 

له‌و باوه‌ته‌و، عه‌لى عيسا وه‌ڕيه‌وبه‌ر ئامار و زانياريه‌يل له‌ حكومه‌ت هه‌رێم, له‌ لێدوانيگ رۆژنامه‌وانى وت: له‌ 9 ته‌شرين يه‌كه‌م ئى مانگه‌و تائيسه‌ 3 هه‌زار و 56 په‌نابه‌ر له‌ رژئاواى كوردستانه‌و(رۆژئاڤا) ره‌سينه‌سه‌ هه‌رێم كوردستان.

 

عيسا، باس له‌وه‌يش كرد وه‌ڕيه‌وبه‌رايه‌تيه‌گه‌ كه‌مپيگ له‌ قه‌زاى به‌رده‌ڕه‌ش له‌ پاريزگاى دهۆك ديرێد و په‌نابه‌ره‌يل سوورى له‌تى نيشته‌جێ كريانه‌ ك زويتر ئاماده‌ كرياوێد و ته‌نيا هه‌وه‌جه‌ وه‌ چشته‌يل كه‌ميگ ديرێد.

Shafaq Live
Shafaq Live