كوردستان ئاشكراى پرووژه‌يگ گرنگ كرد له سلێمانى
2019-12-16T19:08:10+00:00
شه‌فه‌ق نيوز/ ساسان عه‌ونى وه‌زير شاره‌وانيه‌يل و گه‌شتيارى له حكومه‌ت هه‌رێم كوردستان، سه‌ردان شار سلێمانى كرد و چه‌وى كه‌فته شماره‌يگ له ده‌زگايه‌يلێ و ئاشكراى هاتنه‌وه‌ى كار كرد ئه‌را جيوه‌جيكردن پرووژه‌ى جاده‌ى سه‌د مه‌ترى له سلێمانى.
عه‌ونى له كۆنگره‌يگ رووژنامه‌گه‌رێ وت: پرووژه‌ى جاده‌ى سه‌د مه‌ترى له سلێمانى يه‌كيگه له پرووژه‌يل گرنگ و چاره‌سه‌ر قه‌ره‌باڵغى هاتوچوو ئه‌كا له ده‌روازه‌ێ شاره‌گه.
جى باسه، عه‌ونى هه‌ميش وت: ئه‌و پرووژه زويتر ئمزا كرياوێد، وه‌لێ قه‌يران دارايى رێگر بوێ له جيوه‌جيكردنى ك ئيسه دووباره ده‌س وه جيوه‌جيكردنى كرياو ده‌زگايه‌يل ئه‌ندازيارى سه‌رپه‌رش و شاره‌وانى شاره‌گه‌و وه‌زاره‌ته‌گه گشتيان وه‌يه‌كه‌و كار له‌بان هاوردنه‌وه‌ى كار له پرووژه‌گه ئه‌كه‌ن.
