كوردستان ئاشكراى قه‌يه‌غه‌ى هاتوچوو گشتگير كرد ئه‌را ماوه‌ى هه‌فته‌يگ
2020-06-01T10:53:05+00:00
شه‌فه‌ق نيوز/ وه‌زاره‌ت ناوخوه‌يى له هه‌رێم كوردستان، ئاشكراى كرد دوياى نيمه‌ى شه‌و يه‌كشه‌ممه، قه‌يه‌غه‌ى گشتگير هاتوچووه ئه‌را ماوه‌ى هه‌فته‌يگ، ئه‌ويش دوياى به‌رزه‌وبوين شماره‌ى تويشبوين وه ڤايرۆس كۆرۆنا.
وه‌گووره‌ى به‌ياننامه‌ى وه‌زاره‌ته‌گه ئه‌را ئاژانس شه‌فه‌ق نيوز، ئه‌و قه‌يه‌غه له‌ناونى پاريزگايه‌يل هه‌رێم له نيمه‌ى شه‌و 31/5 تا نيمه‌ى شه‌و 6/6 ده‌س وه‌پى ئه‌كا، وه‌لێ قه‌يه‌غه‌ى هاتوچوو له‌ناونى شاره‌يل له سوو سه‌عات شه‌ش ئيواره ده‌س وه‌پى ئه‌كا تا نيمه‌ى شه‌و 6 حزه‌يران.
جى باسه، وه‌گووره‌ى رێ وشوونه‌يل قه‌يه‌غه‌گه، ده‌وام فه‌رمى نيه و گشت شوونه‌يل داخريه‌ن ته‌نيا ده‌رمانخانه‌يل و نانه‌واخانه‌يل له‌لى بترازيه‌ێد وه‌ل وازكردن عه‌لوه‌يل ته‌نيا له‌وه‌ر فرووشتن سه‌وزه‌مه‌نى وه سه‌ياره‌يل جيوازبوێ له‌ناو كويچه‌و گه‌ڕه‌كه‌يل.
