كشتوكاڵ: هه‌رێم كوردستان داوا له‌ليمان كرد زياتر له 2 مليۆن ته‌ن گه‌نم راده‌سمان بكا
شه‌فه‌ق نيوز/ وه‌زاره‌ت كشتوكاڵ و سه‌رچه‌وه‌يل ئاوى، ئاشكراى ره‌ته‌وكردن ئه‌و داواكاريه كرد ك شاند هه‌رێم كوردستان پيشكه‌شى كردگه له‌باره‌ى راده‌سكردن 2 ملين و چوارسه‌د هه‌زار ته‌ن له گه‌نم، جه‌ختيش له‌وه كرد پيشبينى ئه‌كريه‌ێد ته‌نيا 390 هه‌زار ته‌ن له‌و گه‌نمه له جفتياره‌يل وه‌ربگيريه‌ێد.
وه‌زاره‌ته‌گه له به‌ياننامه‌يگ ك ئاژانس شه‌فه‌ق نيوز ئاگادارى بوێ وت: ره‌زامه‌نى مه‌هدى ره‌شيد وه‌زير سه‌رچه‌وه‌يل ئاوى وه‌زير كشتوكاڵ وه وه‌كاله‌ت وه‌رگيرياگه ئه‌را وه‌رگرتن ئه‌و بڕه گه‌نمه ك پيشبينى ئه‌كريه‌ێد له جفتياره‌يل هه‌رێم كوردستان وه‌ربگيريه‌ێد ك نزيكه‌ى 390 هه‌زار ته‌نه ئه‌را ئى وه‌رزه.
جى باسه، به‌ياننامه‌گه يه‌يش ده‌رخست ئى مه‌سه‌له وه ريككه‌فتن بويه وه‌ل شاند هه‌رێم كوردستان له‌وه‌خت به‌شداريكردنى له دانيشتن هاوبه‌ش ك له‌باره‌گاى وه‌زاره‌ت كشتوكاڵ ئه‌نجام درياگه وه سه‌رۆكايه‌تى وه‌زير حه‌مدارنى وه ئه‌وه‌گ سه‌رۆك ليژنه‌ى فه‌رمان ديوانى شماره‌ى 86 ساڵ 2017 بويه و تايبه‌ت بويه وه بڕ ئه‌و گه‌نمه ك پيشبينى ئه‌كريه‌ێد راده‌س بكريه‌ێد.
