كشتوكاڵ سلێمانى باس له پيسبوين به‌رهه‌م شامى ئه‌كا
شه‌فه‌ق نيوز/ وه‌ڕيه‌وبه‌رايه‌تى كشتوكاڵ پاريزگاى سليمانى له هه‌رێم كوردستان، ئاشكراى ئه‌وه كرد و وت: ئه‌و مادده‌يله ك ده‌رئه‌كه‌فێده له گرته ره‌سمگريايه‌گه له‌باره‌ى پيسبوين به‌رهه‌م شامى وه مادده‌يل كيمياوى، مادده‌يليگ ئاساييه‌و رێ وه‌پى درياگه.
وه‌ڕيه‌وبه‌رايه‌تيه‌گه له به‌ياننامه‌يگ ئه‌را شه‌فه‌ق نيوز وت: چه‌ودێرييگ پڕ دقه‌ت له‌ى باوه‌ته‌و كرياگه له وه‌كارهاوردن بڕيگ مادده‌ى كيمياوى ك به‌شدار ئه‌دێ له ره‌سين شامى له ناوچه‌ى پێنجوێن ك له گرته ره‌سگريايه‌گه‌ى بان ماڵپه‌ڕه‌يل كۆمه‌ڵايه‌تى وه‌رجه رووژه‌يليگ بڵاو كرياو بويه‌سه مايه‌ى نيگه‌رانى له هاووڵاتيه‌يل.
به‌ياننامه‌گه وت: وه‌گووره‌ى ده‌رئه‌نجامه‌يل ئه‌وه ده‌ركه‌فت ك ئه‌و مادده‌يله له‌و ماده‌يله‌نه ك رێ وه‌پيان درياگه و خاسه ئه‌را وه‌كارهاردن و پيكهاتنه له(هيوماكس، كاليسيوم، سومو)و ئه‌را په‌يين خاك و زيايبوين زويتر ره‌سين به‌رهه‌م ئه‌يه‌ريه‌ێده كار.
