كرۆنا گیان فەرماندەێگ ئەمنی پلەبەرز لە کەرکوک سه‌ن
2020-07-05T20:17:33+00:00
شەفەق نیوز/ سەرچەوەیگ ئەمنی لە کەرکوک، ئمڕوو یەکشەممە، خەوەردا لە مردن فەرماندەی ئەمنی یەکیگ لە ناحیەگان پارێزگاگە لەوەر ڤایڕۆس کۆرۆنا.
سەرچەوەگە ئەرا ئاژانس شەفەق نیوز وت: عەقید موعەمەر عوبەیدی وەڕیەوبەر پۆلیس ناحیەی رەشاد له باشوور کەرکوک، لەوەر تووشهاتنی وە ڤایڕۆس کۆڕۆنا، ئمڕوو مرد.
سەرچەوەیلیگ ئەمنی وپزشکی لە کەرکوک، رووژ یەکشەمە، خەوەردان وە تووشهاتن عەمید رزگار تەلو، وەڕیەوبەر توندوتیژی خیزانی لە پۆلیس کەرکوک وە کۆڕۆنا، لە وەختیگ لیوا علی کەمال عەبدولڕەزاق فەرماندەی پۆلیس پارێزگاگە لە ڤایڕۆسەگە خاسەوبوی.
