كاسبكاره‌يل له سلێمانى ده‌سكردنه خوه‌ينيشانداين
2020-04-25T12:05:47+00:00
شه‌فه‌ق نيوز/ ده‌يان كه‌س له كاسبكاره‌يل له‌وه‌رده‌م قايمقاميه‌ت شار سلێمانى ده‌سكردنه خوه‌ينيشانداين و داوا كردن رێ وه‌پيان بدريه‌ێد مه‌شق كاره‌يليان بكه‌ن ك هه‌رچه‌نى پاريزگاگه‌يش بڕيگ ئاسانكارى له‌و باوه‌ته‌و ئه‌نجام داگه ئه‌را هاوردنه‌وه‌ى ژيان ئاسايى ئه‌را شاره‌گه.
خوه‌ينيشانده‌ره‌يل كاسبكار داوا كردن كاره‌يليان ئه‌نجام بيه‌ن جوور جاران و جه‌خت له‌وه‌يش كردن ك داناين مه‌رجه‌يل له‌باره‌ى دياريكردن وه‌خته‌يل كاركردنه‌و له‌لايه‌ن ده‌سڵاته‌يل ناوچه‌ييه‌و زه‌ره‌د وه بارودوخ و بژيوى ژيانيان ره‌سانه‌گه.
جى باسه، نوێنه‌ره‌يل ئه‌و كاسبكاره‌يليشه وه‌ل قايمقام شاره‌گه گرده‌وبوين له‌باره‌ى دوينستنه‌وه‌ى ريگه‌چاره‌يگ گونجياى له‌ناونى هه‌ردوگلا ك بگونجيه‌ێد وه‌ل كار و رێ وشوونه‌يل خوه‌يپاريزى له بڵاوبوينه‌وه‌ى ڤايرۆس كۆرۆنا.
