كاره‌باى كوردستان له‌باره‌ى سه‌رپيچى و زياده‌ڕه‌وى ته‌نيا يه‌ك مانگ موڵه‌ت دا
شه‌فه‌ق نيوز/ وه‌زاره‌ت كاره‌با له حكومه‌ت هه‌رێم كوردستان, ئاشكراى ئه‌وه كرد ماوه‌ى يه‌ك مانگ موڵه‌ت داسه به‌شداربويه‌يل له‌وه‌ر چاره‌سه‌ركردن كيشه‌يليان وه‌ل كاره‌با.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: وه‌زير كاره‌با گفتگوو وه‌ل پاريزگار هه‌ولێر كردگه وه ئامانج داناين چه‌ن مه‌رج و رينمايه‌يليگ تايبه‌ت وه داين كاره‌با وه به‌شداربويه‌يل و نه‌هيشتن زياده‌ڕه‌وى و سه‌رپيچى له‌بان تووڕه‌يل كاره‌باى نيشتمانى.
به‌ياننامه‌گه هه‌ميش وت: وه‌زير ماوه‌ى يه‌ك مانگ ديارى كردگه جوور موڵه‌ت ئه‌را به‌شداربويه‌يل له‌وه‌ر چاره‌سه‌كردن گشت كيشه‌يليان و باس له‌وه‌يش كرد له سه‌ره‌تاى ساڵ تازه تيمه‌يل سه‌ر وه وه‌زاره‌ته‌گه وه هاوكارى وه‌ل وه‌زاره‌ت ناوخوه‌يى و پاريزگار هه‌ولێر و يه‌كه‌يل ئدارى سزاى دارايى و ياسايى تونيگ له‌بان سه‌رپيچيكاره‌يل چه‌سپنێد و ئى هه‌ڵمه‌تيشه له‌گشت پاريزگايه‌يل هه‌رێم جيوه‌جێ ئه‌كريه‌ێد.
