قەیران گوزران ژیان کوردەیل فەیلی لە ئیلام گرته‌و
شەفەق نیوز/ دەیان لە خیزانەیل کوردەیل فەیلی ک نیشتەجی پارێزگای ئیلامن، زیان دوینن لە رەوش ژیانگوزرانی سەختیگ، ئەویش دویای فیشتر له سی ساڵ لە بان ده‌ركردنیان له عراق، و بردن ماف وشناسنامەیلیان وەدەسپیچگ لایەنگری.
تا ئمروو، دەسڵاتەیل ئیران ، ماف نیشتەجی کەمێگ داسە ئەو خیزانەیلە، وەبی ئەوەگ بکەێدەیانە خاوەن شناسنامە، لەبان داواکاریەیل جەماوەری و فەرمیەگان.
لەی باوەتە موسا نەژاد وەڕیەوبەر كۆمیته‌ی هاناره‌سانی ئیمام خومەینی لە ئیلام وت: چوار هەزار خیزان کورد فەیلی لە عراق ده‌ركریاگ له ئیلام ژیه‌ن، هەزار خانه‌واده لەلیان دەسمیەت خوازن.
وتیش ٤٨٠ خیزانیان سەردان كۆمیته‌گه کردنە ئەرا داواکاری دەسمیەت، وەلی لەوەر نیشتەجی وەختییان نیەتوینن لە هاوکاری تایبەت کریاگ ئەرا خیزانەیل کەمدەس سودمەن بوون. ئمجا دووپاتکرد لەبان گرنگی چارەسەرکردن ئی گرفتە لەلایەت دەسڵاتە فەرمیەگە.
وەرجەیە نور کەریمی نوێنەر ولایەت فەقیە و ئیمام جومعەی پارێزگای ئیلام هەمیش داواکرد ئه‌و کوردە فەیلیەیله ک دەیان ساڵە هانە ئیلام، شناسنامە و قاقەز فەرمی بیه‌نه پیان تا به‌ڵكم، ک ژیان سروشتییان ئاسانەو بکەێد.
ئاماژەیە ک حکومەتەیل لەشوون یەک عراقی لە حکومڕانی عراق تا ٢٠٠٣ خەریک بارکردن کورد فەیلی بوین وەرەو ئیران، و دەرکردنیان لە ناوچەیل خوەیان لە ناو وڵاتەگە، دویای ئەوەگ دەسنانە بان ماڵ و داراییان، وشناسنامەی عراقی و قاقەزەیل فەرمی لەلیان سەننەو.
دەسڵاتەیلیش لە ئیران شناسنامە نەیانه کوردە فەیلیه ده‌ركریاگه‌گان، چوونکە عراقیین، یه هیشتان خوەیان و خیزانەیلیان بکەفنە نوای سەختی لە وەریخستن کارەیلیان لە فەرمانگە و دامەزراوە فەرمیەگان ئیران.
