٥ قوربانی لە گورزەگەی بان چەمچەماڵ.. وینە

شەفەق نیوز/ سەرچەوەیگ ئەمنی، ئمڕوو شەممە، ئاشکرای ئامار ئەو گورزە کرد ک فڕۆکەیلیگ نەناسریاگ لەبان یەکیگ لە ئاوایەیل چەمچەماڵ لە پارێزگای سلێمانی کردە وەشانن.  

پەیامنێر ئاژانس شەفەق نيوز لە سلێمانی وت: ٥ تەرم رەسیە پزشک دادوەری لە پارێزگای سلێمانی، لەناو ئامادەبوینیگ جەماوەری گەورەیگ لە خەڵک چەمچەماڵ ئەرا ماڵئاواییکردن لە تەرمیل.

وتیش: یەکیگ لە قوربانیەیل موختار ناوچەی "ئەخچەلەر" بوی.  

هێمن بەهجەت وەڕیەوبەر ناحیەی ئەخچەلەر لە وتاریگ رووژنامەوانی ئاژانس شەفەق نیوز چەودێریی کرد وت: گورزەگە ماشینیگ مارکەی تویوتا-هایلۆکس کردە ئامانج و بویە هووکار کوشیان پەنج کەس لەناو ماشینەگە.  

وەرجەیە، سەرچەوەیگ ئەمنی ئەرا ئاژانس شەفەق نیوز وت: فڕۆکەیلیگ بمباران بارەگایگ پەکەکە لە ناحیەگە کردن،و بارەگاگە وەتەواوی سزیا و سێیانیش لە ئەندامەیل پەکەکە کوشیان.