قه‌زايگ له كوردستان وه خاسه‌وبوين 4 تويشهاتگ به‌تاڵ بوێ له كۆرۆنا
شه‌فه‌ق نيوز/ وه‌ڕيه‌وبه‌رايه‌تى قه‌زاى چه‌مچه‌ماڵ سه‌ر وه پاريزگاى سلێمانى له هه‌رێم كوردستان، ئاشكراى ده‌رچگن 4 تويشهاتگ وه ڤايرۆس كۆرۆنا له نه‌خوه‌شخانه كرد دوياى خاسه‌وبوينيان، يه‌يش ده‌رخست ك قه‌زاگه وه ته‌واوى به‌تاڵه له په‌تاى كۆرۆنا.
له به‌ياننامه‌ى وه‌ڕيه‌وبه‌رايه‌تيه‌گه ك شه‌فه‌ق نيوز ئاگادارى بوێ، ئه‌وه ده‌ركه‌فت ك دوياى كه‌ره‌نتينه‌كردنيان 14 رووژ له ناوه‌ند ئاسووده تايبه‌ت وه تويشهاتگه‌يل وه ڤايرۆس كۆرۆناى سه‌ر وه وه‌ڕيه‌وبه‌رايه‌تى ته‌ندروستى چه‌مچه‌ماڵ و له‌ژير چه‌وديرى پزيشكى، چوار كه‌س ك پيكهاتنه له سێ ژن و پياويگ گشتيان له نه‌خوه‌شخانه ده‌رچينه.
جى باسه، به‌ياننامه‌گه هه‌ميش وت: دوياى رێ وشوونه‌يل وشكانن يه‌ك له‌شوون يه‌ك ك ئه‌نجامه‌يل گشتيان نيگه‌تيڤ بويه‌و خاسه‌وبوينه له‌و په‌تا، ئه‌و چوار كه‌سه له نه‌خوه‌شخانه ده‌رچينه‌و چينه‌سه‌و ئه‌را ماڵه‌يل خوه‌يان.
