قەیران دارایی پەک کار وەڕێەوبەرایەتی تەندروسی ئیدارەی گەرمیان خەێد
2023-01-30T08:24:40+00:00
شەفەق نیوز/ وەڕێەوبەرایەتی تەندروسی ئیدارەی گەرمیان لە هەرێم کوردستان، ئمڕوو دوشەممە، راگەیان قەیران دارایی کارەیلیان و پیشکەشکردن خزمەتگوزاریەیل پەکخستیە، وەبی هویچ چارەسەرکردنیگ وەلایەن وەزارەت تەندروسی هەرێم.
وەڕێەوبەر تەندروسی سیروان محەمەد، لە کۆنگرەیگ رووژنامەوانی ک ئاژانس شەفەق نیوز ئامادە بوی وت، نەوین نەختینەی دارایی بویەسە هووکار داوەرانن ئاست پیشکەشکردن خزمەتگوزاریەسل تەندروسی، وەگەرد وەزارەت تەندروسی حکومەت قسە کردیمنە ئەرا پەیاکردن چارەسەر ئەرا ئی گرفتە، باوجی ئویشنەپیمان یە پەیوەنی وە ناوچەگەدان دیرێد تەقەلا بیەن خوەدان چارەسەری بکەن".
وتیش" پیشنیاز کردیمن لە داهات دەروازەی پەرویزخان وەرێەوبەڕایەتەگە پویل وەپی بیریەێد و ئی کارە گرفتەیل دەرمان و کەرەستە پزیشکیەیل چارەسەر کەێد.
وتیش" لەوەر کەمی سوتەمەنی لە وەرێەوبەرایەتیەگە ماشینەیل فیریاگوزاری لەکارەیلیان وسیانە بیجگە لە خزمەتگوزاری فریاکەفتن".
