قەیران ئاو نووشین لە چەمچەماڵ یە دەیان ساڵە دووارەو بوود

 سەرۆک شارەوانی قەزای چەمچەماڵ، رەمەک رەمەزان، ئەرا ئاژانس شەفەق نیوز وت: گیچەڵ کەمی ئاو نووشین لە قەزاگە چوودەو ئورا ساڵ1947، وەگەرد ئەو تەقەلایلە لەو وەختە دریا ئەرل هەڵکەنین بیر یا پەیاکردن سەرچەوەی ئاو پاک، فرەیی دانیشتگەیل زیای کەێد کە بویە مدوو وەردەوامبوین قەیرانەگە تا ئمڕوو. 

 ئاشکرا کرد کە دوای بەسانن کڕیگ لە ناوەین دوکان و چەمچەماڵ لە ساڵ 2004، قەیرانەگە کەمەو کرد، بەڵام لەوەر زیایبوین وەردەوام شمارەی دانیشتگەیل، دووارە قەیرانەگە هاتەو.

 وتیش: وسیان پڕۆژەی “ئەحمەد ئیسماعیل” قەیرانەگە زیاتر کرد لە تاوسان، هەناێ خوازین ئاو زیای بوود، کە ئی پڕۆژە پابەند بویە وە دابینکردن ئاو ئەرا کارگەی چیمەنتۆ، پڕۆژەی کارەبا، و پڕۆژەیل ترەم، بەڵام ئەوە ڕێککەفتن لەبان دابینکردن بڕ ئاو ئەرا قەزاگە کە رەسێدە نزیکەی 10 هەزار مەتر سێجا ئاو لە وەختیگ کە قەزاگە 60 هەزار مەتر سێجا خوازێد، و نزیکەی 27 هەزار مەتر سێجا لە کڕ دوکانەو وەرگردیمنە، بەڵام ئی کارە وسیا، کە قەیرانەگە زیای کرد، وەتایبەتی دویای ئەوەگ پڕۆژەگە ئەرا چەن رووژیگ وەسیا. 

 قایمقام قەزاگە دووپات کرد کە گیچەڵ کەمی ئاو لەی تاوسانە وەردەوام بوود، بەڵام باس ئەوەیش کرد کە تەقەلای فرەیک دریەێد ئەرا کەمکردن کاریگەریی لەبان خەڵکەگە.  

دووپات کرد کە تەنیا چارەسەری  ریشەیی لە جیوەجیکردن پڕۆژەی “کۆبتەپە – چەمچەماڵ” و مقیەتیکردن بیرەیل و دابینکردن ئاو ئەرا وەڕێوەبەرایەتییە خزمەتگوزارییەیلە، وتیش: دویای داواکارییەیل و دەسوەردان  جیگر سەرۆک حکومەت هەرێمی کوردستان، بەشیگ لە کێشەگە چەن رووژیگ وەرجەیە چارەسەر کریا، بە کلکردن دوو ملیۆن لیتر ئاو ئەرا چەمچەماڵ دویای پشوو جەژن. 

 لە کۆتایی قسەیلی دووپات کرد کە تەقەلایل وەردەوامن ئەرا کەمکردن سەختی قەیرانەگە وەرد لایەنە پەیوەندیدارەیل.