فراكسیۆنه‌یل كوردستانى هه‌ڵویستیان یه‌ك ئه‌خه‌ن
به‌یاننامه‌گه وه‌یه‌یش ئشاره كردگه ك ئاماده بوێه‌یل دانیشتنه‌گه،باس پڕوژه یاسای پاسه‌وانی نیشتمانی و چه‌ن یاساێگتر كردنه ك بڕیاره په‌رله‌مان له دانیشتنه‌یل ئاینده باسیان بكا.
زیاتر وتگه : به‌شدار بوێه‌یل دانیشتنه‌گه له بان زه‌روره‌ت یه‌كخستن هه‌ڵویسته‌یل وه‌شێوه‌ێ یاسایی و ده‌ستوری ئه‌ڕا زامن كردن ماف ملله‌ت كوردستان و سه‌رجه‌م پێكهاته‌یل عراق فدرالی ته‌ئكید كردنه و ئاماژه وه‌یه‌یش كردنه ك باێه‌د حكومه‌ت عراقی له شوون ده‌نگداین وه پروژه یاسای پاسه‌وانی نیشتمانی سه‌رجه‌م پابه‌ندیه‌یل خوه‌ێ له وه‌راوه‌ر پێشمه‌رگه جیوه‌جی بكا.
به‌یاننامه‌گه له باوه‌ت یاسای دادگاێ ئتحادی ڕاگه‌یاندگه : فراكسیۆنه‌یل كوردستانى مكوڕن له بان كونجاندن داخوازیه‌یلیان له پڕوژه یاساگه ، تا ئه‌ڕا ملله‌ت كوردستان سابت بكه‌ن ك كوردیش شه‌ریك ڕاسه‌قینه‌س له سه‌رجه‌م ده‌زگا حكومیه‌گان و ناوه‌ند بڕیاڕ.
