فراکسیۆنیگ: زیاتر لە ١٠ ملیار دۆلار شایستەی فەرمانبەرەیل هەرێم هالای حکومەت عراق
شەفەق نیوز/ غالب محمد، نوێنەر لە فراکسیۆن گۆڕان، ئمڕوو یەکشەممە، ئاشکراکرد ک زیاتر لە ١٠ ملیار دۆلار لە شایستەو مووچەیل فەرمانبەرەیل هەرێم کوردستان لە ساڵ ٢٠١٤ تا ئیسە نەدریاگە، و داواکرد مووچەیل فەرمانبەرەیل دویرەو بخریەێد لە ناکۆکیەگان ناوبەین حکومەت بەغداد و هەولێر.
محمد ئەرا ئاژانس شەفەق نیوز وت: شایستەی هەر فەرمانبەریگ لە هەرێم ١٢ مووچەس لە ٢٠١٤ تا ئیسە نەدریاگە، و ٣٠ مووچە دریا فەرمانبەرەیل لە ماوەی ساڵەیل گوزەیشتە، وە بڕیایی و ناتەواوی لەوەر قەیرانە داراییەگە لە کوردستان، و رەوانە نەکردن مووچەگان لەلایەن حکومەت فیدڕاڵی.
نوێنەرەگە داواکرد مووچەو شایستەیل فەرمانبەرەیل هەرێم دویرەو بخریەێد لە ناکۆکیەگان ناوبەین بەغداد و هەولێر، و کارت مووچەگە وەکارناریەێد لە هیچ لایەنیگەو، لەوەر ئەو زەرەد ژیان رووژانە ک رەسیە فەرمانەرەیل هەرێم لە ساڵەیل گوزەیشتە.
محمد وتیش: مووچەی فەرمانبەرەیل شایستەی یاسایی و ژیان و گوزه‌رانە و ماف نیشتمانیە نەبایەس دەسکاری بکریەێد، و هاووڵاتیەیل هەرێم چەوەڕی چارەسەریەیلیگ یەکلاوەکەر کەن ئەرا وەرگردن شایستەیل ژیانیان.
