فرەوە بیین گوڵ نەرگس‌کاڵین دە ئیلام
شەفەق نیوز- دەێ رووژەێلە، کێشت و کاڵکارەێلە دە ئوستان ئیلام، دوفێشتر دە شارستانەێلەێ دەڕەشەهر، ئاودانان ئوو بەدرە، هانە گوڵ نەرگس کنین.
ئمساڵ دە نام 350 هکتار لە زار و زەمینەێلەێ دەڕەشەهر، لەێ گوڵە کاڵینە ئوو وە خاتر یەسە ک ئی شارستان بییە وە مەڵوەن گوڵ نەرگس.
خاسە بزانن ک نەرگسەێلەێ ئی ناوچە لە خاسترین نەرگسەێلەێ ئێرانن.
تەیار فەیلی بەرپرس جەهاد کشاوەرزی دەڕەشەهر وت: دەێ شارستانە بیس ملیوون چەپگەێ گۆڵ ئەڵچنیاگە.
بەرپرس جەهاد کشاوەرزی ئیلامیش دەێ بارە وەێ‌جوورە وتگە: ئیلام یەکێ لە مەڵوەنەێل کێشت نەرگسە دە ئێران و ئێسە 730 هکتار له زار و زەمینەێلە دەێ ئوستانە کریانە وە گوڵەجاڕ نەرگس ک لەیان ساڵێ 52 ملیوون پەل گوڵ ئەڵگریاگە.
ئەقدەسی دۆماجار وت: چوار سەد و بیس بنەماڵە هانە نام کار گوڵ نرگس کاڵین ئوو دە ئوستان ئیلام بان سی ملیارد تمەن، دەرئامە دە ئی کارە گیرێێان دیاێ.
