فرۆکەیل تورکیا پرۆژەیگ ئاو لە باکوور دهۆک ويران کەن

شایەتحالەگە وە ئاژانس شەفەق نیوز  وت؛ "فرۆکەیل تورکیا لە ساعەتەیل سەرەتای ئمڕوو پەلامار پرۆژەیگ ئاو دان کە تایبەتە وە ئاودان پەس و ئاژەڵەیل لە ناوچەی ئامێدی باکوور دهۆک، وە تەواوەتی وەلایەن فرۆکەیل تێکدریایە . 

وتیش "پرۆژەگە کەفێدە دویری یک کیلو مەتر لە ئاوای بلاڤە کە دانشتگەیل ئاوایەیل بلاڤە و کوهرزی پشت وەپی بەسن ئەرا ئاوداین وە ئاژەڵەگانیان لە وەرز تاوسان".

وەپایس قسەی شایەتحالەیل ئێ پرۆژە لە کۆتایی ساڵ نەوەدەگان دروسکریایە وەگەرد تێکداینی لە وەرز تاوسان دانشتگەیل هەردوگ ئاوای رویوەروی کەمئاوی بوون ئەرا ئاژەڵەیلیان".