فڕۆکەیل تورکیا چەن ئاواییک لە قەزای عمادیە بمباران کەن
2021-02-16T14:25:49+00:00
شەفەق نیوز/ فڕۆکەیل تورکیا، ئمڕوو سێشەممە، گورزەیلیگ ئاسمانی لەبان چەن ئاواییگ لە قەزای عمادیە سەروە پارێزگای دهۆک جیوەجی کردن.
ئیقبال دۆسکی چالاکوان و رۆژنامەنووس ئەرا ئاژانس شەفەق نیوز وت: فڕۆکەیل تورکیا ئیوارەی ئمڕوو، بمباران ئاوایەیلیگ لە قەزای عمادیە کردن.
دۆسکی وتیش: بمبارانەگە رەسیە ئاوایەیل مافیا و ئیکمالە سەروە ناحیەی جمانکی و ئاوای کورەهەرزی سەروە قەزای عمادیە.
و ئاماژە کرد ک هیمان فڕۆکەگان هانە ئاسمان عمادیە.
