فڕۆکەیل تورکیا پەلامار شوینەیل پەکەکە لە باکوور دهۆک دەن

سەرچەوەیگ حکومەتی ئەرا ئاژانس شەفەق نیوز وت: فڕۆکەیل تورکیا پەلامار شوینەیل پەکەکە لە زنجیرەی کوێەیل مەترن لەبان قەزای عمادیە باکوور دهۆک دان.

سەرچەوەگە وتیش: گورزەیل تورکیا لەبان لویتکەی خلخلە وەشیان ک کەفێدە بان ئاوای بلافە لە ناوچە نەهلە، وتیش: ئی ناوچە دویەکەیش سێ گلە کەفتە وەر پەلامار تووپ تورکیا.

تا ئیسە زانیاری لە هویچ زەردیگ دارایی یا گیانی لەو پەلامارە نەڕەسیە.

هیزەیل تورکیا هەمیشە پەلامار هەرێم کوردستان دەێد، وە سنگ پەلامار هیزەیلیگ دوژمنیان لەبان زەوی عراق، لە وەختیگ حکومەت هەرێم کوردستان داوای هەڵوێست جدی لە بەغداد و کۆمەڵگای ناودەوڵەتی کەێد ئەرا وسانن ئی پەلامارەیلە، و دووپات کەێد ک ری نیەێد هاوسایل عراق بکەفنە ژیر هەڕەشە.