فڕۆکەیل تورکیا پەلامار شوینەیل پەکەکە دەن لە باکوور دهۆک
2023-10-09T13:58:15+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە پەلاماریگ وەلایەن هەلیکۆپتەرەیل تورکیا، لەبان شوینەیل پەکەکە لە کەژەیل کویەی مەتین باکوور پارێزگای دهۆک.
سەرچەوەگە ئەرا ئاژانس شەفەق نیوز وت: دوو هەلیکۆپتەر سوپای تورکیا بەشداری لەو پەلامارە کردن لەبان شوینەیل پەکەکە لە ناوچەی سوری سکێری و دووڵ رەشاڤە باکوور قەزای عمادیە.
سەرچەوەگە وتیش: ئی پەلامارە وەگەرد بەرزەبوین جەنگ ناوبەین هیزەیل تورکیا و جەنگاوەرەیل پەکەکە تیەێد.
یە زیاتر لە سێ مانگە ناوچەگە جەنگ ناوەین هەردوگ لایەنەگە وەخوەی دوینێد، کە هیزەیل تورکیا تەقەلا دەن ناوچەگە لە ئەندامەیل پەکەکە پاکەو بکەن و سەربازگەیلیگ لە ناوچەیل ستراتیژی لەناو زنجیرەی کویەیل مەتین ئەرا خوەیان دامەزرنن.
