فڕۆکەیل تورکیا پەلامار شوینەبل پەکەکە دەن لە باکوور دهۆک
2024-07-16T16:43:46+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا کە فڕۆکەیل تورکیا گورزەیلیگ ئاسمانی وەبان دوو ناوچەی کویە لە باکوور دهۆک وەشاننە، کە کویەی گارە و کویەی مەتین بوینە لەبان قەزای ئامێدی.
سەرچەوەگە ئەرا ئاژانس شەفەق نیوز وت: گورزەگە شوینەیل پەکەکە لە ئاوایەیل کۆهرۆی و بلافە لە کەژ کویەی مەتین کردنە ئامانج، وەگەرد پەلاماردان شوینەیلیگ ترەک ئەرا پەکەکە لە ئاوایەیل سارکی و ردینیا لە کویەی گارە.
سەرچەوەگە وتیش؛ ئی پەلامارەیلە لە چوارچیوەی ئۆپراسیۆنەیل تورکی وەردەوام لەبان ئامانجەیل سەروە پەکەکە لە ناوچەگە تیەێد.
