فڕۆکەیل تورکیا بمباران شۊنەیل پەکەکە کەن لەباکوور دهۆک
2021-12-11T09:20:53+00:00
شەفەق نیوز/ سەرچەوەیگ سەربازی وەرپرس، ئمڕوو شەممە، خەوەردا ک فڕۆکەیل جەنگی تورکیا، بمباران شۊنەیل پەکەکە لە باکوور پارێزگای دهۆک لە هەرێم کوردستان کردن.
سەرچەوەگە ئەرا ئاژانس شەفەق نیوز وت: فڕۆکەیل تورکیا شەوەکی ئمڕوو گورزیگ ئاسمانی لەبان زنجیرەی کۊیەیل گارە لەبان قەزای عمادیە لە پارێزگای دهۆک کردن.
یەیش لەوەختیگ تیەێد ک وەزارەت وەرگیری تورکیا، رووژ پەنجشەممە، راگەیان کوشیان ٣ سەرباز لە هێزەیلە وەدەس پەکەکە ئە هەرێم کوردستان.
