فەیلی: بارزانی گفتوگویەیلی کردە پراکتیکی  وە لاوردن ستەم لەبان کوردەیل فەیلی  

شەفەق نیوز/ سەرۆک کاروبار فیلەیەگان لە بارەگەی بارزانی، عەلی فەیلی، رووژ پێنجشەممە، وت: سەرکردەی کورد مەسعود بارزانی وە جۊر پراکتیکی قسەیلی  وەرگێڕا لە نەهامەتیەیل  کورد فەیلی  و تەقەلای چارەکردنی دا لەرێ وازکردن نوسینگەیگ لەبارەگەی خوەی.    

عەلی فەیلی وە ئاژانس شەفەق نیوز وت: "بارزانی هەمیشە پیشبرکی کردیە لەباوەت قسەکردن لەبان ئازارەیل فەیلیەگان و ئەو زوڵم و  ستەمە، وە ئەو گامەی دانارەی  ئەرا من ک کردەم وە ڕاوێژکار ئەرا فەخامەت خوەی و وەڕێوەبەر نوسینگەی کاروبار فەیلیەگان لە بارەگەی بارزانی" وتیش ؛ ئێ نووسینگە وە دۊژی رووژەیل هەفتە لە ساعات 10 شەوەکی تا 2 نیوەروو وازە و کارکەیمن وە پیشوازی لە برایەیلمان کورد فەیلی کەیمن ک سەردان نوسینگەگە کەن چ لە ناو هەرێم کوردستان یان لە دەێشت هەرێم کوردستان نیشتەجی بۊینە ک داوای دەسمەیەتی کەن ئەرا وەرێوەبردن کاروبارەیل ئیداریان.    

وتیش: "ئێ فرمانە وەلایەن بارزانی دەرچگە ئەرا سەرۆکایەتی هەرێم و سەرۆک وەزیران و پارێزگارەیل و وەزارەت ناوەخۆ" وتیش: "لە یەکەم گام و گامەیلتر ئیمە کار راسییگ ئەنجام دەێمن ئەرا چەسپانن مافەیل فیلەگان چ پەیوەنی وە حکومەت فیدراڵ و چ ڕێکخریاگ ناودەوڵەتیەیلە بیاشتوون و ستەم و ناعەدالەتی وەرانوەر وە کورد فیلی بەرزەو کەیمن".    

وە ئەو گرفتەیلە ک فیلیەگان وەپی ناڵن ک تۊنیەێد لە رێ ئێ نووسینگە چارە بکریەێد، دووپاتکرد   ک گرفتەیلە وە چەن  بڕگەیگ بەشکریانە بڕێگیان پەیوەنی وە حکومەت فێدرال دیرێد،  باس لەوە کرد نووسینگەگە سەرەتا وە وازکردن کەناڵەیل پەیوەنی وەگەرد حکومەت فیدراڵدای یەکەم ئەرا جیوەجیکردن جینۆساید دژ وە کورد فەیلی  و ماڵ و موڵکیەیلیان بیرێدە پیان ک وەلایەن ڕژێم وەرین لەلیان زەفت کریایە ناسنامەیلیان باریەێدەو و قەرەبوو گشت ئەو ستەم و نادادپەروەریە بکەنەو ک وەسەریان هاتییە.       

لە باوەت  هەرێم کوردستان نووسینگەگە تەقەلای ئاسانکاری ئەرایان بکەێد جۊر ئەوانەگ  توومارکردن ماڵ وەناو ئەوانەگ ک کورد فەیلین و باوەت توومارکردن ماشین وە ناویان یا ئەوباوەتەیلە خوازن ک پەیوەنی وە ناسنامە و مامەڵەیلیان دیرێد لەفەرمانگە فەرمیەگان لە هەرێم کوردستان.    

دەسڵاتدارەیل  ڕژێم سەدام حسێن فەیلیەیلە لە  ناسنامەی عراقی بی بەشکردن و دەسکردنە کلکردنیان ئەرا ئیران و وەرجە ئەوەگ کۆمەڵ کوشی وەرانوەریان ئەنجام بیەن،  گەنجەیلیان وە کۆمەڵ نانە قەور.       

لە ساڵەیل هەفتاگان و هەشتاگان ڕژێم وەرین نیم مەلیۆن کەس ئاوارەی ئیران کرد وەگورەی ئامارەیل نەتەوە یەکگرتگەیل تا ساڵ 1991.         

کوردەیل فەیلی وە تایبەت لە دۊیای دامەزرانن دەوڵەت عراقی نوو وە جۊر سیستماتیک ئاوارە بۊین و دۊیای ماوەی فەرمانڕەوایی سەرۆک کۆمار وەرین ئەحمەد حەسەن بەکر لە ساڵ 1970 و 1975 و دۊاجار سەدام حوسێن لە ساڵ 1980 مشتومڕ  فرەیگ دێرید وە بیانووی ئەوە ک یانە لە ئیرانەو هاتنە وەرجەوەی ناسنامەیان لەناو بەێد.