فەتوایگ ئاینی قەیەغەی هاوسەرگیری مسیار کەێد لە کوردستان: گونجیاگ نییە ئەرا کۆمەڵگەمان

شەفەق نیوز/ ئەنجومەن باڵای فەتوای هەرێم کوردستان، ئمڕوو چوارشەممە، فەتوای "قەیەغەی" هاوسەرگیری ناسریاگ وە "مسیار" دەرکرد، راگەیان پیچەوانەی نەریتەیل کۆمەڵگای کوردیە.

ئەنجومەن سەر وە یەکیتی زانایان ئاینی ئیسلامی لە کوردستان لە بەیاننامەیگ، ک رەسییە ئاژانس شەفەق نیوز وت" لەی رووژەیل دویاییە هاوسەرگیری مسیار بویەسە باوەت شمارەیگ کەناڵ راگەیانن و تووڕەیل کۆمەڵایەتی.

وتیش، " ئیمە لە ئەنجومەن باڵای فەتوا سەر وە یەکێتی زانایان سەرنج هاوڵاتیەیل ئەرا ئەوە کیشیمن ئی جویر هاوسەرگیریە پیچەوانەی نەریتەیل کۆمەڵایەتی کوردیە و وەگەرد کۆمەڵگامان نیەگونجیەێد"، وە لەوەر چەوگردن ئەوەگ پەسەننەکریاگە پیچەوانەی هاوسەرگیری ئیسلامە".

داوا لە زانایەیل ئاینی کریەێد، " ئی جویر گریبەست هاوسەرگریە ئەنجام نەیەن".