غه‌زبان شيواز ريككه‌فتن نه‌فتى وه‌ل كوردستان ئاشكرا كرد
شه‌فه‌ق نيوز/ حكومه‌ت ناوه‌ندى وه‌ل هه‌رێم كوردستان ريككه‌فتن له‌بان ئه‌وه‌گ هه‌رێم كوردستان رووژانه 250 هه‌زار به‌رميل نه‌فت خام راده‌س كۆمپانياى(سۆمۆ)بكا له ريككه‌فت 1/ 1 له‌ساڵ ئاينده‌وه.
له‌ى باوه‌ته‌و، سامر غه‌زبان جيگر سه‌رۆك وه‌زيره‌يل ئه‌را كاروبار وزه، له لێدوانيگ ك رووژنامه‌ى ئه‌لسه‌باح نيمچه فه‌رمى باسى كرد وت: حكومه‌ت ناوه‌ندى و حكومه‌ت هه‌رێم كوردستان جدديين له چاره‌سه‌ركردن كيشه‌يل ناونيان له‌باره‌ى دوسيه‌ى نه‌فت له‌ناونى ناوه‌ند و هه‌رێم و هه‌ر وه‌و خاتريشه له‌ى دوياخره سه‌ردان شانده‌يل ده‌سوه‌پيكرد ئه‌را يه‌كلاكردنه‌وه‌ى ئى دوسيه و دويا سه‌ردانيش دقه‌ت له‌بان بودجه‌ى ناوه‌ندى و ميكانيزم كاره‌يلى و چونێتى هساوكردن به‌ش هه‌رێم كرد.
غه‌زبان هه‌ميش وت: وه‌گووره‌ى ئه‌و ريككه‌فتنه، بايه‌سه له‌بان حكومه‌ت هه‌رێم كوردستان رووژانه 250 هه‌زار به‌رميل نه‌فت خام راده‌س وه كۆمپانياى سۆمۆ بكا له‌جه‌م ئه‌و بڕه به‌رهه‌مه ك ره‌سيده 450 هه‌زار به‌رميل نه‌فت.
