عه‌ينكاواى هه‌ولێر حاڵه‌تيگ تازه‌ى مردن وه كۆرۆنا تۆمار كرد
2020-06-02T21:22:49+00:00
شه‌فه‌ق نيوز/ وه‌زاره‌ت ته‌ندروستى له حكومه‌ت هه‌رێم كوردستان، ئاشكراى تۆماركردن حاڵه‌تيگ تازه‌ى مردن كرد وه ڤايرۆس كۆرۆنا له هه‌وڵێر پايته‌خت.
وه‌زاره‌ته‌گه له‌به‌ياننامه‌يگ ئه‌را ئاژانس شه‌فه‌ق نيوز وت: پياويگ 70 ساڵان له خه‌ڵك ناحيه‌ى عه‌ينكاوا له هه‌وڵێر له‌ئه‌نجام تويشبوينى وه ڤايرۆس كۆرۆنا گيان له‌ده‌سداگه.
به‌ياننامه‌گه هه‌ميش وت: ئه‌و پياوه له 25 ئايار/ مايۆ سه‌ردان نه‌خوه‌شخانه كردگه له‌ئه‌نجام ده‌ركه‌فتن نيشانه‌يل فريه‌يگ په‌تاگه له‌لى و دوياى 8 رووژ له‌ژير چه‌وديرى پزيشكى گيان له‌ده‌سداگه.
