عه‌روس زاگرۆس فه‌يلى ژارترين ده‌وڵه‌مه‌نه‌يل جه‌هان
وه گووره‌ى سه‌رچه‌وه‌يل وه‌رپرس له غورفه‌ى بازرگانى و پيشه‌سازى ئيران ك(شه‌فه‌ق نيوز)باس وه‌ليانا كرد، ئه‌وه ده‌ركه‌فت ك ئى پاريزگا له بوار پترۆكيمياويات و سامانه‌يل تر سروشتيه‌و فريه ده‌وڵه‌مه‌نه‌و هه‌ر وه‌و خاتريشه وه ده‌وڵه‌مه‌نترين پاريزگاى كوردستانى شماريه‌يد له خوه‌رهه‌ڵات ناوين.
وه گووره‌ى ئه‌و ئاواره‌يليشه ك ره‌سيه‌سه(شه‌فه‌ق نيوز)ئه‌وه ئاشكرا ئه‌كا ك ئه‌مباركرياگ غاز له ئيلام فيشتره له 14 ترليۆن سێجا وه به‌راورد وه‌ل غاز ئه‌مباركرياگ گشتى ئيران ك 27 ترليۆن سێجاره و ئه‌مباركرياگ نه‌فتيشى فيشتر له 17 مليار به‌رميله ك ئه‌كاده نزيكه‌ى 11% نه‌فت ئه‌مباركرياگ ئمساڵ ئيران، وه‌لى وه‌ل ئه‌وه‌يشا ئى پاريزگاى فه‌يليه ناڵنيد وه‌ده‌س گرينگى نه‌داين وه ژيرخان ئابوورى و مه‌ردمه‌گيشى بيبه‌شن له ژيان به‌خته‌وه‌رى وه‌گووره‌ى ئه‌و خه‌ير وبه‌يره ك له پاريزگاگه‌يان وجوود ديريد و مه‌ردمه‌گه‌ى له مه‌رد پاريزگاى به‌لوشستان ئيرانى ژارترن له‌ڕوى ژيان و گوزران و ريژه‌ى بيكارى و كووچكردنيش وه‌ره‌و شوونه‌يل تر له‌تى فريه به‌رزه‌و بويه.
