عەدنان موفتی: رژیم وەرین خوسەی لە کوردەیل فەیلی هات چوینکە دەس لەناو شووڕەشەیل کورد داشتن
موفتی قسەیلی لە بەشداریکردنی لەناو دویەم رووژ لە کۆنگرەی زانستی ناودەوڵەتی ئەرا جینۆسایدکردن گەڵ کورد (جینۆسایدکردن کورد فەیلی) لە شار هەولێر هات.
موفتی سەرۆک وەرین پەرلەمان کوردستان وتیش: وەداخەو برادەرەیل نزیک فرەیگ لە کوردەیل فەیلی لە بەغداد داشتم، ک سەرنقوم کریانە و دریانە سێدارە و بار کریانە و خریانە زیندان وەدەس رژیم وەرین عراق.
موفتی ئومید دیرێد حکومەت عراق و هەرێم کوردستان قەرەبوو کوردەیل فەیلی بکەن لە ڕوی مادی و هەستی و چارەسەکردن ئەو گرفتەیلە ک کەفنە نوایان، و دیاری کرد ک جینۆسایدکردن کوردەیل فەیلی تایبەتمەنی خوەی دیرێد وەرانوەر ئەوەگ وەبان گەل کورد جیوەجی کریا، چوینکە کوردەیل فەیلی لەوەر نەتەوە و مەزهەبیان کەفتنە وەر جینۆساید.
وتیش: رژیم دیکتاتۆری وەرین خوسەی تایبەت ئەرا کوردەیل فەیلی داشت، چوینکە دەسیگ کاریگەر لەناو میژوو خەبات گەل کورد داشتن، و فرەیگ لەلیان ئەندام سەرکردایەتی پارت دیموکرات کوردستان و یەکێتی نیشتمانی کوردستان بوین، و بەشداریکردن دیاریگ لە شووڕەشەیل ئەیلوول و گوڵان داشتن.
