کەشوهەوای هەرێم: هاتێ لە سلێمانی و دهۆک نمە واران کەمیگ بوارێد

شەفەق نیوز/ دەسەی کەشناسی وزەویلەرزەناسی هەرێم کوردستان، ئمڕوو دووشەممە، کەشوهەوای 48 ساعەت ئایندەی ناوچەیل هەرێم کوردستان دیاریکرد.

دەسەگە لە بەیاننامەیگ راگەیان "ئمڕوو ئاسمان لە ناوەین نیمەئەور و ئەور تەواویگە، هاتێ نمە واران کەم کەمیگ لە خوەرئاوای هەرێم و پارێزگایەیل سلێمانی و دهۆک بوارێد،  و هەمیش وەفر وارین لە کویەیل سنوور باکوور خوەرهەڵات هەرێم.

ئاشکەرایکرد، "سوو سێشەممە ئاسمان لەناوەین نیمەئەور تا ئەور تەواوە مەزەنەکرێد لەدویای نیمەڕوو نمە واران لە فرەیگ ناوچەیل هەرێم بوارێد، هەمیشە وەفر وارین لە ناوچەیل  کویەیل سنوور خوەرهەڵات وباکوور  خوەرهەڵات هەرێم، لەوەخت شەو کاریگەری واران نیەمینێد و کەشوهەوا سەقامگیرەو بوود و پلەی گەرمی کەمیگ داوەزین وە خوەی دوینێد".

بەرزترین پلەی گەرما مەزەنەکریاگ وە پلەی سیلیزی:

هەولێر : 15 

سلێمانی : 14

دهۆک : 17

کەرکوک : 17

هەڵەبجە : 15

زاخۆ : 16 

سۆران : 12

حاجی ئۆمەران : 2

گەرمیان : 17.