کەشوهەوای سلێمانی ئاشکاری بڕە وارانەیل ٢٤ سەعات گوزەشتە کەێد
شەفەق نیوز/ ئاسۆ کەمال وەڕیەوبەر فەرمانگەی کەشناسی و رەوانگەی زەویلەرزە لە سلێمانی، ئمڕوو دووشەممە، ئاشکرای بڕ وارانەیل ماوەی ٢٤ سەعات گوزەشتە لەبان پارێزگاگە کرد.
کەمال ئەرا ئاژانس شەفەق نیوز وت: شەبۆلیگ واران ناوچەیلیگ جیاجیا لە هەرێم کوردستان و پارێزگای سلێمانی، لە ماوەی ٢٤ سەعات گوزەشتە گردەو، بڕەگەی رەسیە ٢ ملیم.
دیاری کرد ک بڕ وارانەیل لە ناوەند شار سلێمانی ١٥،٣ ملیم بوی، وتیش: واران ئمساڵ لە پارەکەی ئی مەقە فرەترە.
کەماڵ وتیش: زیاتر ئەو ناوچەیلە ک واران لەناویان واریە ناوچەیل شارباژير، سبکەرکان، بەرزنجە، و چوارتا بوینە.
وتیش: هەمیشە لەناوڕاس مانگ تەشرین یەکەم واران لەی ناوچەیلە وارێد، وەلێ ئمساڵ کەمیگ دیر کەفت، یەیش سروشتیە.
لە باوەت بڕە وارانەیل پارەکە، وەڕیەوبەر کەشناسی سلێمانی وت: بڕە وارانەیل سروشتی بوین، بیجگە ناوچەیلیگ لە ئیدارەی گەرمیان ک وارانەگە لەناویان کەم بوێ، وتیش: راپۆرت ومەزەنیل ئویشن ئمساڵ وارانەگە سروشتی بوود.
وتیش: ئی شەپۆل واران ئیسە تا ساعەتەیل شەو وەردەوامە، و لە شەوکیەو وسیەێدەو، و پلەی گەرمی ئەرا سوو کەمیگ بەرزەو بوود.
