کەشناسی کوردستان... پلەی گەرما کەمیگ بەرزەوبوین توومار کەێد

کەشناسی کوردستان... پلەی گەرما کەمیگ بەرزەوبوین توومار کەێد
2022-12-08T09:08:01+00:00

شەفەق نیوز/ دەسەی کەشناسی و زەویلەرزەی هەرێم کوردستان، ئمڕوو پەنجشەممە، پیشبینی کەشوهەوای هەرێم راگەیان، مەزەنە کەێد پلەی گەرما کەمیگ بەرزەوبوود.

دەسەی کەشناسی ئمڕوو لە بەیاننامەیگ راگەیان، ئمڕوو پەنجشەممە   8 - 12- 2022   ئاسمان نیمچە ئەورە و بڕیگ وەخت ئاڵشتبوود ئەرا ئەور تەواویگ، تونی وا لەسەر خوەیە وە ئاراستەی باشوور و پلەیل گەرما نزیکە لە توومارەیل دویەکە.

دەسەگە لەباوەت پلەی گەرمای سوو جومعە 9 - 12 - 2022 راگەیان، ئاسمان لە نیوان لەکە ئەور و نیمچە ئەورە و تونی وا لەسەرخوەیە وە ئاراستەی باشوور خوەرهەڵات، و پلەیل گەرما کەمیگ بەرزەوبوین وە خوەی دوینێد وە چەو توومارەیل ئمڕوو.

بەرزترین پلەیل گەرمای مەزەنە کریاگ وە پلەی سیلیزی :

هەولێر     :  17 پلەى سیلیزی

سلێمانی    : 15 پلەى سیلیزى

دهۆک     :  16 پلەى سیلیزى

کەرکوک  : 20 پلەى سیلیزى

هەڵەبجە   : 16 پلەى سیلیزى

زاخۆ      :  17 پلەى سیلیزى

سۆران    :  13 پلەى سیلیزى

گەرمیان  :  21 پلەى سیلیزى.

Shafaq Live
Shafaq Live