کەشناسی کوردستان...پلەی گەرما زیاتر داوەزێد و پرزە واران دەسوەپی کەێد
2022-12-21T09:55:29+00:00
شەفەق نیوز/ وەڕێەوبەرایەتی کەشناسی و زەویلەرزەی هەرێم کوردستان مەزەنەیل کەشوهەوای ئمڕوو چوارشەممە و سوو پەنجشەممە بڵاوکرد و ئویشێد پلەیل گەرما داوەزێد و سوو پرزە واران وارێد.
ئمڕوو چوارشەممە، وەڕێەوبەرایەت کەشناسی و زەویلەرزەی هەرێم راگەیان ئمڕوو ئاسمان لەمابەین نیمچە ئەور و ئەور تەواویگە و خێرایی وا لە مابەین 10ئەرا 15 کیلومەترە لە ساعەتیگ.
ئەرا سوو پەنجشەممە، کەشناسی مەزەنە کرد پرزە واران لە بڕیگ لەناوچەیل گەرمیان و پارێزگای هەڵەبجە بوارێد لە وەختەیل ئیواران و پلەی گەرمایش داوەزین وە خوەی دوینێد.
پلەی گەرمای مەزەنەکریاگ وە بە پلەی سیلیزی:
هەولێر: ١٦ پلەى سیلیزى
سلێمانی: ١٤ پلەى سیلیزى
دهۆک: ١٥ پلەى سیلیزى
کەرکوک: ١٨ پلەى سیلیزى
هەڵەبجە: ١٤ پلەى سیلیزى
زاخۆ: ١٥ پلەى سیلیزى
سۆران: ١٠ پلەى سیلیزى
گەرمیان: ٢٠ پلەى سیلیزى.
