کەشناسی: گورجی وا بەرزەو بوود و تەپووتوز دروسکەێد

وەڕێەوبەرایەتیەگە لە بەیاننامەیگ رەسیە ئاژانس شەفەق نیوز راگەیان، ئاسمان وە گشتی نیمەئەور بوود جار وەختیگ ئاڵشتبوود ئەرا ئەور تەواو، لەئەنجام بەرزەوبوین چالاکی وا تەپوتووز بەرزەوبوود، و پلەیل گەرما نزیکە لە توومارەیل دویکە.

کەشناسی لە بەیاننامەگەی راگەیانیش، " سوو شەممە ئاسمان لە نیمەئەورەو ئەرا ئەور تەواو ئاڵشتبوود، هاتی واران بوارێد لە سنوور پارێزگای دهۆک و بڕیگ لە ناوچەیلتر، و لە چەن ناوچەیگ تەپوتوز بەرزەوبوود.

بەرزترین پلەی گەرمی ناوچەیل هەرێم کوردستان :

هەولێر     : 38 پلەى سیلیزى

سلێمانی   : 36 پلەى سیلیزى

دهۆک      : 37 پلەى سیلیزى

کەرکوک   : 41 پلەى سیلیزى

هەڵەبجە   : 37 پلەى سیلیزى

حاجی ئۆمەران : 24 پلەى سیلیزى

زاخۆ      :  37 پلەى سیلیزى

سۆران :  34 پلەى سیلیزى

گەرمیان  :  43 پلەى سیلیزى.