کەشناسی هەرێم کوردستان پیشبینی کەشوهەوای 48 ساعەت ئایندە راگەیان

شەفەق نیوز/ وەڕیەوبەرایەتی گشتی  کەشناسی و زەویلەرزەی هەرێم کوردستان، ئمڕوو یەکشەممە، پیشبینی کەشوهەوای 48 ساعەت ئایندە بڵاوکرد.

وەڕیەوبەرایەتیەگە لە باوەت پیشبینیەیل کەشوهەوای ئمڕوو راگەیان؛ ئاسمان ساماڵە، وەگەرد لەکەی ئەور و لە ناوچە کویەیلە نیمچە ئەورە وەگەرد بەرزاوبوین خوەڵ و تووز  زیاتر لەناوچەیل باشوور هەرێم، و پلەی گەرما نزیکە لە توومارەیل دویەکە، تونی وا یەواش و  مامناوەندە ها لە مابەین (10-20 )کم/س وە ئاراستەی ئاڵشتبوود و بڕیگ جار چالاکیەگەی بەرزەو بوود ئەرا 30کم/س.

وەریەوبەرایەتیەگە دیاری کەشوهەوای سوو جومعەش کرد و راگەیان، ئاسمان وە گشتی ساماڵە ولەکەی ئەور وەگەرد خوەڵ و توز ک ئیوارە فرەترەو بوود لەوەر چالاکی وا، و پلەی گەرمایش یەک تا دوو پلە داوەزێد وەچەو توومارەیل رووژ گوزەشتە.

بەرزترین پلەیل گەرمای پیشبینیریاگ وە پلەی سیلیزی :

هەولێر  : 41

سلێمانی : 40

دهۆک  : 40

کەرکوک : 43

هەڵەبجە : 42

زاخۆ   : 42

سۆران  : 42

راپەرین : 39

گەرمیان : 44.