کەشناسی هەرێم: واران و بەڵاچە وەگەرد بەرزەوبوین تەپوتووز

کەشناسی لە بەیاناامەیگ راگەیان، "ئمڕوو لەوەر کاریگەری نزمە پەستان نیمچە دوورگەی عەرەبی، ئاسمان وە گشتی لەناوەین  نیمەئەور و ئەور تەواوە، وەگەرد واران و بەڵاچەی پچڕپچڕ لەوەلا وە تایوەت لە ناوچەیل خوەرهەڵات هەرێم  

 ( پارێزگای سلێمانی وئیدارەی سەربەخۆی راپەرین و سۆڕان وە هەروەها گەرمیان)، هەمیش بەرزەوبوین تەپوتوز و لەوەر تونی وا تا وەخت ئیوارە وەردەوام بوود و کاریگەری تەپوتوز لە ناوچەیل باشوور هەرێم زیاتر بوود پلەی گەرمی  (2-4 ) نزمەوبوود، لەناوچەیل خوەرهەڵات هەرێم کەمێک زیاتر داوەزێد (4- 6 ) پلە  لە توومارەیل دویکە"

دیاریکرد، "سوو ئاسمان لە ناوەین  لەکەئەور و نیمەئەورە لەوەخت شەوەکی لەناوچەیل سنوور خوەرهەڵات هەرێم  هاتێ کەمیگ واران بوارێد، و لە وەخت ئیوارە کەشوهەوا جیگیرەوبوود".

بەرزترین پلەی گەرمی مەزەنەکریاگ وە پلەی سیلیزی:

هەولێر : 41  

سلێمانی : 36  

دهۆک : 38

کەرکوک : 42

هەڵەبجە : 38 

زاخۆ : 39 

سۆران : 35

حاجی ئۆمەران : 26

گەرمیان : 44.