کەشناسی هەرێم کەشوهەوای دوو رووژ راگەیان
2023-06-07T08:48:47+00:00
شەفەق نیوز/ وەڕێەوبەرایەتی کەشناسی و زەویلەرزەناسی هەرێم کوردستان، ئمڕوو چوارشەممە، کەشوهەوای 48 ساعەت ئایندەی پارێزگایەیل هەرێم دیاریکرد.
کەشناسی بیاننامەیگ بڵاوکرد و راگەیان، ئاسمان ئمڕوو وە گشتی لەمابەین نیمەئەور و لەکەئەورە، لەناوچەیل کویە تاقمەگلێ ئاڵشتبوود ئەرا ئەور تەواو و پلەی گەرما نزیکە لە توومارەیل دویەکە.
لە بەیانامەگە دیاریکرد، سوو پەنجشەممە، ئاسمان لەکەئەورە لەناوچە کویەیلە جارە و جار بوودە نیمە ئەورو پلەی گەرما نزیکەو بوود لە توومارەیل ئمڕوو لە بڕیگ ناوچە وە یەک پلە بەرزەوبوود.
بەرزترین پلەی گەرمی ئمڕووی ناوچەیل هەرێم کوردستان :
هەولێر : 38 پلەى سیلیزى
سلێمانی :37 پلەى سیلیزى
دهۆک :37 پلەى سیلیزى
کەرکوک : 41 پلەى سیلیزى
هەڵەبجە : 38 پلەى سیلیزى
حاجی ئۆمەران : 28 پلەى سیلیزى
زاخۆ : 38 پلەى سیلیزى
سۆران : 35 پلەى سیلیزى
گەرمیان : 43 پلەى سیلیزى.
