کەشناسی هەرێم پیشبینی واران و نزمەوبوین پلەی گەرما کەێد

شەفەق نیوز/ دەسەی کەشناسی لە وەزارەت گواستنەوە و رەسانن هەرێم کوردستان، ئمڕوو سێشەممە، پیشبینی نزمەوبوین پلەی گەرما و واران وارین کرد، وە مدووی کاریگەری دوو نزمە پەستان لاواز دەریای ناوڕاس و نیمچە دوورگەی عەرەبی.

کەشناسی لە بەیاننامیگ  راگەیان، لە رووژ پەنجشەممە 20-10-2022 ئاسمان هەرێم وە گشتى ئەرا نیمچە ئەور و بڕیگ ناوچە لە تاقمەگلی ئەرا ئەور تەواو ئاڵشتبوود.

ئاشکەرایکرد، لە رووژ جومعە ئاسمان نیمە ئەورە لە ئیوارە زیاترەو بوود لە ئاسمان، لە ئەگەر دروسنەوین ئاڵشتکاری لە پیشبینیەیل شایەت واران  بوارێد لە بەشیگ لە سنوورەیل پارێزگای هەولێر و واران مامناوەندیگ لە ناوچە کویەیلەی هەولێر و ناوچەیل جیاواز دهۆک بوارێد.

دەسەگە وتیش، لە سەنتەرەیل سلێمانی و هەڵەبچە ئەگەر پرزە واران هەس، پلەی گەرما چەن پلەیگ داوەزین وەخوەی دوینێد، خێرایی وا زیایەوبوود و خوەڵ و تووز بەرزەوبوود لە بەشیگ لەو ناوچەیلە ک خێرایی وا بەرزەو بویە، وە تایبەت لە ناوچەیل باشوور هەرێم.